បន្ទាប់ពី Root ទូរស័ព្ទលោកអ្នកហើយ អ្នកនឹងមានសិទ្ធិពេញលេញ ក្នុងការដំណើរការកម្មវិធីនានា ដែលទាមទារឲ្យ Root ទូរស័ព្ទមុននឹងអាចដំឡើង ឬប្រើប្រាស់បាន ។ កម្មវិធីទាំងនោះ នឹងអាចបិទ bloatware – ត្រួតពិនិត្យការអនុញ្ញាតសិទ្ធិរបស់កម្មវិធី (app permissions) – អាចបើក ការភ្ជាប់ពីឧបករណ៍មួយទៅមួយទៀត (tethering) ហើយនឹងលក្ខណៈពិសេសមួយចំនួនទៀត ។
ក. ហេតុអ្វីចាំបាច់ “Root” ?
មូលដ្ឋានគ្រឺះរបស់ Android គឺ Linux ។ នៅលើប្រព័ន្ធដំណើរការ Linux User Root គឹអាចមានសិទ្ធិពេញលេញក្នុងការប្រើប្រាស់ និងការកំណត់នានា ប្រៀបដូចជា User Administrator នៅក្នុង Windows ដូច្នោះដែរ ។ User Root អាចចូលទៅដំណើរការប្រព័ន្ធទាំងមូល (Operating System) និងអាចធ្វើអ្វីបានគ្រប់យ៉ាង ។ ជាធម្មតាទូរស័ព្ទ ឬឧបករណ៍ដែលដំណើរការលើ Android មិន Root ជាស្រេច នៅពេលទិញមកដំបូងនោះទេ ហើយប្រសិនសិនបើឧបករណ៍ ឬទូរស័ព្ទនោះបាន Root ហើយ ខាងក្រុមហ៊ុន និងហាងទូរស័ព្ទ នឹងមិនធានានូវរាល់បញ្ហាដែលអាចកើតមានឡើងក្រោយពេល Root នោះទេ មានន័យថា លោកអ្នកនឹងបាត់បង់ការធានាពីអ្នកលក់ ។
ប្រសិនបើគ្មានការចាំបាច់ លោកអ្នកមិនត្រូវ Root ទូរស័ព្ទ ឬឧបករណ៍ដែលដំណើរការដោយ Android ជាដាច់ខាតនោះឡើយ ។
ឧទាហរណ៍៖ កម្មវិធីកម្ចាត់ និងការពារមេរោគ Avast សម្រាប់ Android ទាមទារឲ្យលោកអ្នក Root ទូរស័ព្ទ មុននឹងអាចដំណើរការកម្មវិធីនេះបាន ព្រោះថា Firewall (ការកំណត់សុវត្ថិភាព) ត្រូវបានផ្តល់សិទ្ធិសម្រាប់ទូរស័ព្ទ ដែល Root ហើយតែប៉ុន្នោះ ។
ខ. សូមចំណាំមុននឹងសម្រេចចិត្ត Root
មុននឹងលោកអ្នកសម្រេចចិត្តច្បាស់លាស់ថា នឹង Root ទូរស័ព្ទ ឬ Tablet របស់អ្នក សូមចំណាំនូវចំណុចមួយចំនួនដូចខាងក្រោមនេះ ៖
ការធានា (Warranty) – ហាងទូរស័ព្ទ ឬក្រុមហ៊ុនភាគច្រើន នឹងមិនទទួលធានាថា ទូរស័ព្ទអ្នកក្រោយពេល Root ហើយអាចនឹងមានបញ្ហា ឬអត់នោះទេ ។ តែជាការពិត ការ Root នឹងមិនប៉ះពាល់ដល់ផ្នែករឹង (Hardware) នៃទូរស័ព្ទដោយផ្ទាល់នោះទេ ។ លោកអ្នកនៅតែអាច “unroot” ទូរស័ព្ទ ឬ tablet មកដើមវិញបាន ដោយគ្មាននរណាដឹងថា អ្នកធ្លាប់ Root ឬអត់ឡើយ ។
សុវត្ថិភាព (Security) – ការចំណាយប្រាក់ទិញកម្មវិធី ឬរបស់របសមួយចំនួនតាមអនឡាណ ដូចជាការប្រើប្រាស់ Google Wallet ដែលអាចមានចម្លោះប្រហោងសម្រាប់អ្នកដែលប្រើប្រាស់ ទូរស័ព្ទ Root ហើយទិញទំនិញតាមគណនី Google ។ លោកអ្នកនឹងទទួលបានការព្រមានពី Google Wallet ប្រសិនបើអ្នកបាន Root ទូរស័ព្ទ ហើយប្រើប្រាស់សេវានេះ ។
គាំងលែងដំណើរការ (Bricking) – ការ Root ទូរស័ព្ទ ឬ Tablet គឺជាដំណើរការដ៏ប្រុងប្រយ័ត្ន និងងាយមានបញ្ហានៅអំឡុងពេល Root ឬ Jailbreak សម្រាប់ iPhone ។ លោកអ្នកត្រូវប្រាកដថា ដំណើរការនីមួយៗ នៃការ Root បានត្រឹមត្រូវតាមការណែនាំ និងស្របតាមអ្វីដែលគេបានបង្ហាញ ដូចជាការប្រើប្រាស់ Custom ROM ដើម្បីដំឡើងកំណែប្រែ Android ពី ទាបទៅខ្ពស់ (ពី 2.3.6 ទៅ 4.1.2) ជាដើម ។
គ. ការដំឡើង
ជាទូទៅការ Root គឺជាការអនុវត្តន៍ដោយចុចតែមួយដង (Single Click) ជាការស្រេច តែយ៉ាងណា លោកអ្នកនូវតែត្រូវការដឹងរឿងមួយចំនួនដូចខាងក្រោម៖
ទាញយក និងដំឡើង Java JDK និង Android SDK លើកុំព្យូទ័រមុននឹងដំណើរការ Root ដោយ Java ត្រូវតែដំឡើង មុននឹងដំឡើង Android SDK ។
ដាក់ឲ្យដំណើរការ (Enable) USB debugging លើទូរស័ព្ទ Android ដោយចូលទៅកំណត់ត្រង់ Settings => Applications => Development ។
សូមភ្ជាប់ទូរស័ព្ទ Android និងកុំព្យូទ័រ (Windows) តាមរយៈខ្សែ USB
លោកអ្នកនឹងត្រូវការ USB Drivers សម្រាប់ឲ្យទូរស័ព្ទ និងកុំព្យូទ័រអាចស្គាល់គ្នា នៅពេលភ្ជាប់ដោយខ្សែ USB ។ កម្មវិធី SuperOneClick អាចនឹងធ្វើការដំឡើងដោយស្វ័យប្រវត្តិ ទៅលើកុំព្យូទ័រនូវ USB Driver ដែលត្រូវការសម្រាប់ប្រភេទទូរស័ព្ទនីមួយៗ ។ លោកអ្នកក៏អាចស្វែងរក USB Drivers សម្រាប់ទូរស័ព្ទ ឬ Tablet អ្នកតាមគេហទំព័រដើមនៃឧបករណ៍នោះបានផងដែរ ។
ឃ. ដំណើរការ Root ជាមួយ SuperOneClick
លោកអ្នកអាចស្វែងរក និងទាញយក SuperOneClick នៅឯ shortfuse.org ដែលជាគេហទំព័រដើម និងផ្លូវការនៃ SuperOneClick ។ បន្ទាប់ពីទាញយកហើយ សូមដំណើរការកម្មវិធី SuperOneClick.exe ។
សូមចុចលើប៊ូតុង Root នៅក្នុងផ្ទាំង SuperOneClick វានឹងដំណើរការភ្លាមៗ ។
សូមចុចសាកល្បងដំណើរការ “Run a test” ដោយចុចលើប៊ូតុង Yes ដូចរូបខាងក្រោម ។
វានឹង Restart ទូរស័ព្ទបន្ទាប់ពី Root ហើយ
ង. Superuser
កម្មវីធី SuperOneClick នឹងដំឡើងកម្មវិធី SuperUser ដោយស្វ័យប្រវត្តិ ដែលមានសិទ្ធិក្នុងការអនុញ្ញាត និងមិនអនុញ្ញាតឲ្យកម្មវិធីណាមួយអាចដំណើរការជាលក្ខណៈ Super User (មានសិទ្ធិស្មើនឹង Administrator ដែលអាចប្រើប្រព័ន្ធខាងក្នុងបាន) ។ យ៉ាងណាមិញ លោកអ្នកក៏អាចស្វែងរកកម្មវិធី Super User បាននៅ Google Play ប្រសិនបើទូរស័ព្ទ ឬឧបករណ៍អ្នកមិនទាន់បានដំឡើង ហើយវាដំឡើងបាននៅតែលើទូរស័ព្ទ ឬឧបករណ៍ដែល Root ហើយតែប៉ុន្នោះ ។
សាកល្បងដំឡើងកម្មវិធី Avast ដើម្បីបញ្ជាក់ថា អ្នកបាន Root ដោយជោគជ័យ
ជាចុងក្រោយ លោកអ្នកនឹងទទួលបានទូរស័ព្ទ និងឧបករណ៍ដែលបាន Root ហើយ និងមានសិទ្ធិពេញលេញ ក្នុងការដំណើរការកម្មវិធីណាក៏ដោយ ជាពិសេសកម្មវិធីដែលទាមទារសិទ្ធិក្នុងការដំណើរការជាមួយ Rooted Device ។ សម្រាប់បញ្ហា សំណួរ និងចម្ងល់នានា សូមដាក់មតិ នៅក្នុងប្រអប់ខាងក្រោម ។
ប្រភពឯកសារៈ http://happykonkhmer.blogspot.com
This comment has been removed by the author.
ReplyDeleteតើការណែនាំខាងលើអាចប្រើបានលើទូរស័ព្ទគ្រប់ម៉ូឌែលដែរអត់បង
ReplyDeleteបាទអគុណ សម្រាប់ការ Root ទូរស័ព្ទប្រភេទ Android OS គឺដូចគ្នាតាមវិធីខាងលើ
ReplyDeleteតែសម្រាប់កម្មវិធីអាចនឹងពុំមានប្រសិទ្ធភាព យើងអាចប្រើកម្មវិធី kingoRoot ទាញយកពីគេហទំព័រ https://www.kingoapp.com កម្មវិធីនេះ Support បានទូរស័ព្ទច្រើនស៊េរី និងច្រើនម៉ូដែល